Kol Nikolli, kryetar i ish-Përndjekurve Politikë të Mirditës është ndaluar në pikën kufitare të Hanit të Hotit, teksa po tentonte që të kalonte kufirin për të shkuar drejt Italisë. Mësohet se Nikolli po tentonte të kalonte kufirin për të shkuar drejt Italisë, përmes aeroportit të Podgoricës.
Nikollit i është komunikuar nga autoritetet urdhër-arresti, i lëshuar në lidhje me protestën e zhvilluar në muajin mars për çmimet ku u bllokua Rruga e Kombit, në hyrje të Rrëshenit.
Por Nikolli është habitur, pasi thotë se nuk ka qenë fare pjesëmarrës në atë protestë.
