Policia e Tiranës ka shoqëruar këtë pasdite një grup besimtarësh myslimanë, pasi kishte informacione se do të protestonin para Kryeministrisë.
Sipas Neës 24, protesta do të organizohej kundër urdhrit për të mbyllur imamin e vetëshpallur Genc Abduddahim Balla në regjimin e posaçëm “41 bis”.
Policia ka pasur informacione për protestën e besimtarëve, dhe është organizuar, duke i shoqëruar, për shkak se nuk lejohen protestat nga situata e krijuar nga pandemia e koronavirusit.
Genci Balla i dënuar nga drejtësia shqiptare për rekrutim të besimtarëve për qëllime terroriste, i njohur si imami i vetëshpallur i “Unazës së Re”, u transferua 2 javë më parë me urgjencë në spitalin e burgut në gjendje të rëndë shëndetësore.
Ai kishte hyrë në grevë urie pasi ka refuzuar regjimin “41 bis” ndërsa akuzon drejtuesit e burgut të Peqinit për keqtrajtim.
Në fund të korrikut, ministrja e Drejtësisë Etilda Gjonaj, Ministri i Brendshëm Sandër Lleshaj, prokurorja Elisabeta Ymeraj dhe kreu i SPAK, Arben Kraja firmosën listen e të dënuarve që do te vendoseshin në regjimin “41 bis”
Emiljano Shullazi, Blerim Shullazi, Gilmando Dani, Endrit Qyqja, Endrit Zela, Arbjon Aliko dhe Genci Balla iu nënshtruan kufizimeve të të drejtave me qëllim parandalimin e kontakteve që ata kanë me organizatën kriminale ku bëjnë pjesë apo me organizata të tjera aleate./ Opinion.al
