Protestë/ Banorët e Bërxullës tentojnë të hyjnë në Hipotekë, tensionohet situata

Banorët e Bërxullës kanë vazhduar sërish të protestojnë edhe këtë të enjte. Këtë herë ata kanë zgjedhur të protestojnë përpara zyrave të Hipotekës, por janë për përballur me forca policie. Kjo ka bërë që të tensionohet situata.
Është e disata herë që banorët e kësaj zone ngrihen në protestë, për shkak se pronat e tyre preken nga projekti i rrugës Thumanë-Kashar.
Gjatë protestës së sotme ata janë shprehur se brenda në zyrat e Hipotekës ndodhen hajdutët e qytetarëve. “I kanë bërë zyrat si bunkerë. Mbroni kriminelët”, ka thënë një banor.
Gjithashtu banorët kanë theksuar se ligji nuk funksionon për hajdutët dhe sekserët.“Ne jemi në qiell të hapur, nga minuta në minutë mund të dalim m çadra. Punimet vazhdojmë, por projekt nuk ka. Duhet të bëhemi Dallëndyshe si zonja Bici se nuk kemi ku të kalojmë. Duhet të fluturojmë që të kalojmë në anën tjetër. Nuk na japin përgjigje as Kryeministria, as Ministria dhe kemi ngelur në qiell të hapur. Kërkojmë vetëm të zbatohet ligji dhe asnjë më tepër”, tha një protestues.