Kryetari i Partisë Demokratike, Lulzim Basha i ka cilësuar protestat për Teatrit Kombëtar si një triumf i parë i rrugës që do e shpëtojë vendin.
Përmes një postimi në rrjetet sociale, Basha shprehet se qëllimi i opozitës është dhënia fund e padrejtësive që shtyp qytetarët shkatërron pronën, varfëron dhe sipas tij shkaktar është kryeministri Edi Rama.
Postimi i Bashës
Së bashku me artistë dhe qytetarë në protestën e Aleancës për Teatrin, në mbështetje të kauzës së tyre të drejtë dhe vlerave të demokracisë dhunuar barbarisht më 17 maj nga qeveria e Edi Ramës.
Opozita ka një qëllim, t’u japë fund sa më parë kushteve në të cilat padrejtësia shtyp qytetarët, shkatërron pronën e tyre, i varfëron dhe kjo padrejtësi e ka një emër: ky është Edi Rama.
Vlerat e qytetarisë shqiptare të manifestuara sot në këtë shesh janë triumfi i parë i një rruge që do e shpëtojë vendin nga hajdutëria dhe krimet e Edi Ramës./ Opinion.al
