Elisa Spiropali, Ministrja për Marrëdhëniet me Parlamentin ka thënë në një intervistë televizive se deputetët e mazhorancës janë ndjerë të kërcënuar nga protestuesit e opozitës. Spiropali ka thënë se në burg qytetarët po shkojnë prej Partisë Demokratike dhe jo nga pushteti.
“Protesta që këta njerëz, se nuk mund ti quaj më as drejtues politikë se kanë dalë në rrugë, flas për liderat e këtyre partive gjuha me të cilën i flasin publikut, është vepër penale në vetvete. Duhet ta dini. Nxitja e urrejtjes, dhunës, sulmi ndaj institucioneve, sulmi ndaj deputetëve. Ne jemi deputetë të Kuvendit dhe ju them që në protestat që opozita ka organizuar para Kuvendit ne kemi qenë të rrezikuar. Këta nxisin njerëz, këta i marrin në qafë dhe këta i çojnë në burg”, është shprehur Spiropali./Opinion.al
