Ka shkuar në 4 numri i të vdekurve në Kili këtë javë për shkak të protestave. Një burrë ndërroi jetë nga helmimi me tym për shkak të zjarrvënies në një supermarket dje në kryeqytetin e Kilit, ndërsa një person tjetër ndërroi jetë nga plagët e marra gjatë përleshjeve me policinë.
Protestat në Kili kanë nisur që në muajin Tetor kur u ngrit çmimi i biletave të metrosë. Ndonëse dukej se gjatë periudhës së verës dhe festave të fundvitit situate ishte qetësuar, ka nisur sërish një valë e re protestash.
Një grup protestuesish vodhën dhe i vendosën flakën një supermarketi. Kur forcat e policisë arritën në vendngjarje gjetën një njeri të vdekur dhe dy të tjerë që vuanin nga asfiksia.
Ndërsa viktima e dytë ishte qëlluar në kokë gjatë protestës pranë një stacioni policie në Santiago.
Të mërkurën një i ri vdiq pasi u godit nga një autobus i marrë peng ndërsa të martën një tifoz futbolli u vra pas goditjes nga furgoni i policisë.
