Pas protestave në të gjithë botën për vrasjen e George Floyd në Shtetet e Bashkuara, presidenti francez Emmanuel Macron është shprehur se lufta kundër racizmit nuk duhet të çojë në një rishkrim të ‘urryer’ të historisë.
Disa protestues në Shtetet e Bashkuara, Mbretërinë e Bashkuar dhe Zelandën e Re, kanë shënjestruar statuja të figurave historike të lidhura me skllavërinë ose me abuzime të tjera të të drejtave të njeriut.
‘Do të jem shumë i qartë sonte, bashkatdhetarë: Republika nuk do të fshijë asnjë emër nga historia e saj. Franca nuk do të harrojë asnjë prej veprave të artit, nuk do të shkatërrojë statuja,’- tha ai në një fjalim televiziv drejtuar kombit.
