Presidenti Ilir Meta ka reaguar lidhur me protestat që qytetarët shqiptarë kanë organizuar kundër rritjes së çmimeve.
Meta i ka bërë thirrje qeverisë që të adresojë të gjitha shqetësimet e qytetarëve. Ndërsa shkruan se i tërheq vëmendje Policisë së Shtetit për tu distancuar nga dhuna dhe ndalimet e pajustifikuara.
“I bëj thirrje Qeverisë të dëshmojë ndjeshmërinë dhe përgjegjësinë e duhur në adresimin e të gjitha çështjeve që po shqetësojnë me të drejtë qytetarët, të cilët prej ditësh po protestojnë, në mbarë vendin, për dinjitetin dhe të drejtat e tyre thelbësore. Policisë së Shtetit i tërheq vëmendjen për t’u distancuar nga dhuna e papranueshme dhe ndalimet e pajustifikuara”,-shkruan Meta në Facebook./Opinion.al
