Eurodeputeti Cristian Dan Preda i Partisë Popullore Europiane, në konferencën e delegacionit europian në Tiranë foli edhe për protestën e studentëve. Ai tha se shumë studentëve dhe familjarëve të tyre u është bërë presion, ndërsa ka pasur edhe njerëz të larguar nga puna.
“Keni pasur protesta masive që dolën nga të rinjtë dhe është e papranueshme që atyre t’u bëhet presion, ose familjeve të tyre t’u bëhet presion. Iu kërkoj autoriteteve të vendit që të ndalojnë presionet ndaj të rinjve dhe familjarëve të tyre. Disa njerëz janë hequr nga puna, ata janë në “listat e zeza” për arsye të të drejtës që ushtruan për të protestuar”, tha Preda.
Ai foli edhe për lirinë e shtypit, duke thënë se në Shqipëri lajmet e rreme përhapen nga politika.
“Duhet ruajtur edhe liria e shtypit. Nëse në BE kemi lajme të rreme që vijnë nga Kremlini, këtu lajmet e rreme vijnë nga qeveria dhe nga partitë në opozitë, liria e shtypit është thelbësore, ruajeni atë”, u shpreh ai./Opinion.al
