14 njerëz mbetën të vrarë dhe mbi 800 të tjerë u plagosën pasi forcat irakiane të sigurisë hapën zjarr kundër protestuesve në qytetin e shenjtë të Qerbelasë, mbrëmjen e shkuar.
Së paku 250 njerëz janë vrarë që nga fillimi i protestave në javën e parë të tetorit, ndaj ato janë konsideruar si më vdekjeprurëset prej kur grupi militant Shteti Islamik është shpallur i mundur në Irak në vitin 2017.
Protestat nisën si kundërvënie ndaj qeverisë së kryeministrit Adel Abdul Mahdi, e akuzuar për korrupsion. Qytetarët janë të revoltuar kryesisht me papunësinë e lartë dhe mungesën e shërbimeve themelore publike.
Kujtojmë se Iraku ka një popullsi prej afro 40 milionë banorësh dhe është prodhuesi dhe eksportuesi i pestë më i madh i naftës në të gjithë botën, por shkalla e varfërisë së përgjithshme vlerësohet të jetë mbi 20 për qind. /Opinion.al
