Nuk kanë të sosur çuditë në atë që tashmë quhet protesta e studentëve.
Ditën e sotme Dekanati i Fakultetit Juridik në bashkëpunim me Ministrinë e Arsimit, vendosi që studentët që duan mësim ta kryenin atë në gjimnazi “Petro Nini Luarasi”
Por ndërsa janë paraqitur aty në orën 14.00, studentët e kanë gjetur të kyçur derën me zinxhir.
Ky veprim ishte marrë nga studentët bojkotues të cilët refuzojnë të zhvillojnë mësim pa u plotësuar kërkesat e tyre.
Por i gjendur në një situatë të tillë, Dekanati i Fakultetit Juridik, ka gjetur një tjetër zgjidhje për të futur studentët në mësim.
Ata janë futur nga një tjetër derë.
Vetëm dekani i këtij fakulteti, Artan Hoxha, është shprehur se kjo ishte e vetmja zgjidhje për të bërë mësim.
