Kreu i Partisë Demokratike, Lulzim Basha ka bërë thirrje që të lirohen protestuesit e arrestuar gjatë aksionit të policisë për shembjen e teatrit.
Në një status në Twitter, kreu i demokratëve akuzon kryeministrin Rama se “i vuri kazmën themeleve të shoqërisë” pasi me shmbejn e teatrit ai synon të pastrojë “paratë e pista të klientëve të tij”.
“Me shembjen e paligjshme të TK për të pastruar paratë e pista të klientëve të tij, Rama i vuri kazmën themeleve të shoqërisë sonë. Dhuna ndaj qytetarëve dhe gazetarëve është e papranueshme. Aktivistët, artistët, opozitarët e arrestuar duhet të lirohen menjëherë!
Rama është varrmihësi i paqes sociale në vend,varrmihësi i ekonomisë së shqiptarëve,hajduti i pronave publike dhe një kriminel ordiner që ka shkelur dhe uzurpuar çdo pushtet. Pa shporrur atë, në këte vend nuk do ketë as ligj,as demokraci,as zhvillim dhe as mirëqenie për njerëzit.” – shkruan Basha.
Partia Demokratike dhe aleatët e saj janë në një mbledhje urgjente ku siç lajmëroi më herët Basha, pritet të dilet me një vendim politik lidhur me ngjarjen e sotme të shembjes së godinës së Teatrit Kombëtar. /Opinion.al
