Në Hong Kong, për të dytën ditë rradhazi kanë ndodhur përleshje të dhunshme ndërmjet policisë dhe protestuesve pro-demokracisë, të cilët dolën në rrugë në afërsi të zyrave të Qeverisë kineze dhe rrugëve kryesore të Hong Kongut.
Policia përdori gaz lotsjellës dhe plumba gome ndaj tyre, me pretekstin se mbajtja e protestës ishte e ndaluar.
Dhjetëra mijëra protestues janë duke kundërshtuar një projektligj për ekstradimin si dhe duke dënuar një sulm mbi protestuesit pro demokracisë, nga persona të armatosur javën e shkuar, teksa akuzojnë policinë se ka mbyllur sytë dhe ka bashkëpunuar me agresorët.
Tashmë prej 7 javësh në protesta, qytetarët kanë rezistuar duke rritur kërkesat, dhe tashmë kërkojnë një hetim mbi dhunën e policisë, reformën demokratike dhe dorëheqjen e lideres së territorit, Carrie Lam./Opinion.al
