Gazetari Armand Shkullaku, të enjten, deklaroi se protesta studentore ka dhënë shenjat e para të lëkundjes së pushtetit dhe një gjë të tillë kryeministri Edi Rama e ka kuptuar mjaft mirë.
Shkullaku në studion e emisionit “Opinion”, tha se Rama ka një nuhatje politike dhe për këtë është një njeri i rrallë, pasi ka 20 vjet në pushtet e këtë e kupton mjaft mirë.
Ai u shpreh se Rama e di mirë se këtu janë dhënë shenjat e para të lëkundjes së pushtetit.
Sipas tij, këtu nuk është fjala për 8 pika dhe kjo dihet mjaft mirë se ai është i gatshëm të plotësojë 18 pika, por këtu ka lindur një lëvizje e re.
“Ka lindur një lëvizje që po i jep fund tranzicionit shqiptar”,- tha Shkullaku.
Shkullaku: Këtu nuk është fjala për tetë pika, pasi ai realizon 18 pika. Ai është i gatshëm t’i realizojë të gjitha. Këtë e ka thënë edhe vetë. Rama ka nuhatje politike, është njeri i rrallë. Ka 20 vjet në pushtet. Ai e di fare mirë se këtu janë shenjat e para të lëkundjes së pushtetit. Këtu nuk është fjala për 8 pika, këtu ka lindur një lëvizje. Ka lindur një lëvizje që po i jep fund tranzicionit shqiptar. Sundimit të dy partive apo të tre partive. Ndrrojnë vendet, por nuk prodhojnë asgjë për shqiptarët. Kryeministri Edi Rama është simbol i sistemit dhe do të bijë bashkë me sistemin. Kryetari i estabilishmentit është kundër tij.
Pjesën mund t’a gjeni rreth minutës (01:00)
