Për pasojë të protestës studentore për 12 ditë në rrugët dhe sheshet kryesore të kryeqytetit, thuhet se Eljo Hysko ka dhënë dorëheqjen nga posti i kryetarit të FRESSH.
Fakti është bërë me dije nga vetë Hysko, i cili përmes një postimi në rrjetin social Facebook; publikoi një informacion të shkurtër në lidhje me vendimin e tij për t’u dorëhequr.
Në rrjetet sociale qarkulloi lajmi se ai udhëzonte të rinjtë socialistë që të komentonin pro dialogut, gjatë deklaratës së kryeministrit Edi Rama drejtuar studentëve.
Kanë mjaftuar vetëm pak minuta që Hysko t’a fshijë komentin e tij nga rrjeti social Facebook, duke lënë enigmë faktin nëse ai është dorëhequr apo jo si kryetari i FRESSH.
