Studentët i rikthehen protestave kundër Ligjit të Arsimit të Lartë.
Pas incidentit ku u qëllua me vezë Kryeministri dhe një tubimi që pasoi ato ditë, studentët u shfaqën sërish sot para Kryeministrisë.
Rreth orës 11.30 një grup i madh studentësh ka nisur marshimin nga Korpusi Universitar drejt Kryeministrisë me thirrje kundër Reformës që sipas tyre nuk përfaqëson studentët, por interesat e universiteteve private.
Me sloganin “Arsimi nuk është luks”, studentët kundërshtojnë hapur reformën sepse sipas tyre i kthen ata në klientë, pëveçse cënon autoniminë e universitetit.
Ata kishin zgjedhur edhe një formë simbolike proteste. Kërkesat e tyre për Kryeministrin i shprehën permës kartolinave, drejtuar Babagjyshit të Krishtlindjeve.
“Duam bursa, duam kushte më të mira jetese. Silli Babagjysh! Je më real se qeveria jonë”, shkruhet në kartolinat e studentëve.
