Edi Rama qendroi afro dy orë para kameras së ERTV-së. Ishte nisur për dialog me studentët por përfundoi në monolog të gjatë dhe me shumë përsëritje. Ai tha se studentët duhet të largohen nga ata që qendrojnë në hije të protestës, duke përmendur me emra, Bashën, Kryemadhin Arind Qorrin dhe Taulant Mukën.
“Mos prisni tu japë leje Monika, ai Arlind Qorri apo Mukja. Hajdeni vetë ne në katin e parë të Kryeministrisë kemi takim me publikun. Thoni rojes kërkojmë Edi Ramën dhe zbres”, iu drejtua Rama studentëve.
Më herët ai hodhi lloj lloj akuzash që nga pedagogët dhe rektorët që dha se janë pjesë e problemit dhe jo e zgjidhjes e deri tek drejtuesit e opozitës. Po kështu ai përgojoi edhe shkenctarin Taulant Muka i cili qendroi vetëm dy javë zv/ministër i Arsimit.
“Ai zotëria, shkencëtari, kërkonte që ditën e parë makinë me shoferë dhe thoshte pse nuk e kam. Ou! Kërkonte të kishte banjo në zyrë, kërkonte që babai i tij të ishte shoferë në ministri”, tha Rama.
“Monika është Doktoreshë Shkencash, kurse unë s’jam Doktor Shkencash, Monika është kokë e madhe. Ai larva politike (Taulant Muka) ka thënë për mua që jam “Doktor Shkencash”, por unë s’kam Doktoraturë. Jam thjesht një piktor.
Monika është Doktore shkencash, kurse Luli është Profesor i Asociuar”, vijoi Rama me sulmet e tij.
