Prindër e nxënës po protestojnë ditën e sotme pas vrasjes së 14-vjeçartit Martin Cani nga bashkëmoshatari i tij.
Duke protestuar kundër dhunës dhe vrasjes së fëmijëve, protestuesit kanë hedhur bojë të kuqe mbi fëmijët pjesëmarrës në marshim, si edhe në asfaltin para Ministrisë së Arsimit.
Gjithashtu, ata kanë lyer duart e tyre me bojë të kuqe dhe i kanë vendosur në muret e institucionit të arsimit.
Protesta nisi nga shkolla Fan Noli, pranë dyerve të së cilës u vra edhe Martin Cani, drejt Ministrisë së Arsimit, ku dhjetëra fëmijë dhe të rritur mbajnë në duar pankarta me mesazha kundër dhunë e vrasjes dhe dhjetëra të tjerë kërkojnë siguri në shkolla.
