Ditën e sotme është paralajmëruar mbajtja e një proteste në kryeqytet për vrasjen e të riut Egli Proga.
Për këtë arsye, Policia e Tiranës njofton se do të ketë bllokim të disa segmenteve rrugore në krzeqztet.
Policia rendit edhe rrugët kryesore në kryeqytet, që do bllokohen gjatë tubimit.
Njoftimi i plotë i policisë:
Për shkak të zhvillimit të një tubimi ditën e sotme në orën 19:30, parashikuar për t’u zhvilluar nga sheshi “Skënderbej” deri te Kryeministria, do të ketë bllokime të disa segmenteve rrugore, si dhe bllokime të pjesshme të disa segmenteve të tjera në varësi të lëvizjes së tubuesve.
Njoftojmë qytetarët se sot, prej orës 19:30 e deri në përfundim, do të ketë bllokim të përkohshëm të qarkullimit të mjeteve, në bulevardin “Dëshmorët e Kombit”, segmenti i rrugës “Myslym Shyri” nga Gjykata e Lartë deri në bulevardin “Dëshmorët e Kombit”.
Policia apelon për të gjithë qytetarët që të shmangin lëvizjen në këto akse rrugore dhe të përdorin rrugët “Ibrahim Rugova” dhe “Papa Gjon Pali” si rrugë alternative, deri në përfundim të tubimit.
