Qendra e Lëvizjes Vetëvendosja ka organizuar protesta duke kundërshtuar ardhjen e presidentit të Serbisë Aleksandar Vuçiç, në Tiranë dhe kreut të serbëve të Bosnjës, Milorad Dodik.
Protestuesit janë përplasur me punonjësit e policisë, pasi nuk janë lejuar të hyjnë në bulevard dhe të marshojnë drejt sheshit Nënë Tereza.
Protesta kundër ardhjes së presidentit të Serbisë nisi nga disa të rinj pasditen e sotme në bulevardin Dëshmorët e Kombit.
Ndërkohë, Vetëvendosja ka konfirmuar përmes një postimi në “Facebook” se 2 anëtarë të saj janë arrestuar.
Presidenti Ilir Meta ftoi Vuçiçin në Tiranë, pasi nesër do të mbahet samiti i Brdo-Brijunit, që zhvillohet nga viti 2010 nga vendet anëtare. / Opinion.al E.Xh.
