Protesta për vrasjen e Klodian Rashës nga efektivi i policisë ka vijuar sot në Shkodër, ku bastis dhe u dogjën disa materiale të selisë së PS.
Lidhur me protestën e kësaj të shtune ka reaguar Policia e cila njofton se si pasojë e hedhjes së sendeve të forta në drejtim të policisë është plagosur një efektiv i policisë.
Policia bën me dije se pjesëmarrësit në tubim kanë dëmtuar me sende të forta godinën e PS duke thyer e shkatërruar dritaret dhe dyert e më pas nxorën dhe dogjën bazën materiale që ishte në brendësi të godinës.
“Gjatë tubimit të paligjshëm të zhvilluar sot në orën 11:00, ku pjesëmarrësit filluan lëvizjen nga sheshi Luigj Gurakuqi drejt pedonales se qytetit, para Prefektures dhe gjate marshimit kanë ndaluar ne rrugen Willson. Pjesmarrësit në tubim kanë demtuar me sende të forta godinën e një subjekti politik duke thyer e shkatërruar dritaret dhe dyert e më pas nxorrën dhe dogjën bazën materiale që ishte në brendësi të godinës. Gjithshtu gjatë tubimit është gjuajtur me sende të forta në drejtim të Policisë dhe për pasojë është plagosur një nga punonjësit e Policisë të Forcës së Posaçme Shqiponja i cili u dërgua menjëherë në Spitalin Rajonal Shkodër për mjekim”, shkruan policia./ Opinion.al
