Ndërkohë që Tirana zien nga protestat e studentëve, paralelisht me ta janë ngritur në protestë edhe banorët e shumë qyteteve në gjithë Shqipërinë.
Banorët e Lushnjes të veshur me jelekë jeshilë, të Shkodrës dhe të Fushë Krujës kanë bllokuar rrugën si shenjë protestë kundër rritjes së çmimit të naftës, por edhe kundër çmimit të energjisë elektrike.
Ndërkohë banorët kanë bllokuar edhe rrugën Rrogozhinë-Lushnje, pranë rrethrrotullimit të Plugut.
Edhe këtu banorët kundërshtojnë çmimin e naftës. Në shenjë revolte ata kanë bllokuar akset rrugore që krijojnë lidhjet me qytetet e tjera.
