Kryeministri Edi Rama ndodhej ditën e sotme në qytetin e Kukësit, ku prezantoi kandidat për zgjedhjet lokale, Safet Gjicin, si dhe premtoi përfundimet e punimeve të Aeroportit të Kukësit brenda një viti.
Ndërkohë, një grup qytetarësh dhe kryetari i bashkisë së Kukësit Bashkim Shehu, kanë bllokuar rrugën në shenjë proteste ndaj kryeministrit.
Ata kanë kërkuar që Rama të largohet nga qyteti i tyre dhe të mos mbaj fjalimin e tij me qytetarët.
Pas këtij incidenti, Rama ka reaguar përmes një postimi në Twitter, duke e cilësuar Shehun si një kryebashkiak qesharak, i cili ende merret me prita rrugësh.
Kryeministri ironizoi protestën e sotme, duke thënë se me këto veprime ata nuk do të votohen nga populli në zgjedhjet e ardhshme.
“Një kryebashkiak qesharak i një partie qesharake del e ze rrugën e Kukësit me administratën, në vend se të ishte me mijëra qytetarët kuksianë në çeljen e punimeve të aeroportit ndërkombëtar!Merren me prita rrugësh në shekullin e XXI e pastaj duan vota nga ky popull. Oh ç’derexhe!”-shkruan Rama./ Opinion.al E.Xh.
