Pas protestës së dhunshme në Capitol Hill të SHBA-së të thirrur nga Presidenti Donald Trump, rrjetet sociale “Twitter” dhe “Facebook” kanë pezulluar për 12 orë llogaritë e tij.
Në protestën pro Trump humbën jetën 4 persona gjatë përplasjeve me forcat e policisë, ndërsa 52 persona janë arrestuar.
“Twitter” thotë se Donald Trump ka bërë shkelje të përsëritura dhe të rënda të politikës sonë të Integritetit Civil në tre postime të tij.
“Si rezultat i situatës së paparë dhe dhunës së vazhdueshme në Uashington, kemi kërkuar heqjen e tre postimeve nga [llogaria] @realDonaldTrump – të cilat janë bërë gjatë ditës së sotme – për shkak të shkeljeve të përsëritura dhe të rënda të politikës sonë të Integritetit Civil”, tha platforma sociale.
Gjithashtu, Twitter ka paralajmëruar se nëse Trump nuk fshin këto tre postime problematike, atëherë llogaria e tij do të mbyllet përfundimisht. Edhe “Facebook” ka bërë të ditur se do të ndalojë postimet nga faqja e presidentit Donald Trump./ Opinion.al
