Studentët e kanë zhvendosur protestën e tyre në ditën e 16-të saj para Kuvendit, aty ku po zhvillohet seanca plenare për ditën e sotme.
Studentët kanë nisur protestën para Parlamentit duke këmbëngulur që qeveria të plotësojë 8 kërkesat e tyre. Protestës së studentëve i janë bashkuar edhe qytetarë të ndryshëm nga Tirana, por dhe nga rrethet. Aktualisht protesta është e qetë, por pritet që të vijnë studentë të tjerë por dhe qytetarë.
Studentët kanë vendosur një foni afër Kuvendit dhe kanë marrë fjalët të gjithë me radhë për të folur. Ata shprehen se do të vazhdojnë protestat edhe në janar nëse nuk plotësohen kërkesat e tyre, ndërsa e kanë konsideruar si manovër për të shuar protestën e tyre paktin për Universitetin të propozuar nga qeveria.
Në Kuvend ka prezencë të shtuar të policisë, duke formuar 2 kordone sigurie, njëra përgjatë perimetrit rrethues të parlamentit.
