Sociale

Protesta kundër ndërtimit të HEC-it, procedohen 33 shtetas


Bëhu pjesë e Grupit Zyrtar të Opinion.al
>> KËTU <<
               Publikuar në : 17:04 - 11/04/21 |
Opi Nion

Policia ka njoftuar shoqërimin e 33 personave të cilët bllokuan  të dielën Rrugën e Kombit, ndërsa kanë protestuar për të kundërshtuar ndërtimin e një HECI- dhe fabrikës së ujit në këtë zonë.  Banorëve të fshatrave Thirrë dhe Sang iu bashkuan sot dhe disa organizata mjedisore si dhe deputetë e aktivistë të Lëvizjes Vetëvendosje në Kosovë.

Policia bëri me dije se ndaj 33 shtetasve ka nisur tashmë procedimi në gjendje të lirë, pasi këta shtetas organizuan grumbullim dhe manifestim të paligjshëm, penguan qarkullimin e mjeteve të transportit dhe nuk i’u bindën urdhrit të punonjësve të Policisë.

“Specialistët për Hetimin e Krimeve në Komisariatin e Policisë Lezhë dhe Mirditë, në përfundim të veprimeve të kryera në lidhje me protestën e paligjshme të zhvilluar ditën e sotme, në fshatin Thirrë, Njësia Administrative Fanë, Mirditë , kanë filluar procedimin penal në gjendje të lirë ndaj 33  shtetasve.

Këta shtetas kanë protestuar në mënyrë të paligjshme në afërsi të tunelit të Kalimashit, në fshatin Thirrë, Mirditë duke bllokuar lëvizjen e mjeteve në aksin Milot-Morinë, si dhe nuk i  janë bindur urdhrit të punonjësit të Policisë për të zbllokuar qarkullimin e automjeteve”, njoftoi policia./Opinion.al

 

Pas