52 persona janë arrestuar nga Policia britanike gjatë ceremonisë së kurorëzimit të mbretit Charles III.
Të arrestuarit akuzohen për një sërë veprash, duke përfshirë sherre, prishjen e qetësisë dhe komplot për të shkaktuar shqetësim publik.
Në një deklaratë, policia e Londrës tha se të gjithë të arrestuarit janë paraburgim, duke thënë se ata kishin informacione për planet për të prishur ngjarjen historike.
Në pranga ranë dhjetëra ambientalistë që planifikonin aksione përgjatë rrugës së kortezhit mbretëror, si dhe të paktën gjashtë aktivistë kundër monarkisë, duke përfshirë udhëheqësin e Republikës Graham Smith, i cili kishte organizuar një demonstratë në sheshin Trafalgar.
Aksioni i policisë, në të cilin ishin vendosur më shumë se 11,000 oficerë në terren sot, u kritikua nga grupet e të drejtave të njeriut.
“Ne kemi për detyrë të ndërhyjmë kur protestat kthehen në delikuencë dhe rrezikojnë të shkaktojnë përçarje serioze,” tha Karen Findlay, i cila koordinoi operacionin e policisë, sipas një njoftimi për shtyp të policisë.
“ Kurorëzimi është një ngjarje që ndodh një herë në gjeneratë dhe është një element kyç i vlerësimit tonë”, shtoi ai.
