Policia e Tiranës ka njoftuar se ka marrë të gjitha masat e duhura për të garantuar ruajtjen e rendit dhe sigurisë gjatë zhvillimit të marshim-protestës.
“Për mbarëvajtjen sa më të mirë e pa incidente të marshimit – protest është hartuar; Plani i Masave me detyra, duke marrë të gjitha masat për të garantuar zhvillimin normal”, thuhet në njoftimin e policisë.
Ajo bën me dije se janë angazhuar 494 punonjës të policisë.
Aleanca Kundër Importit të Plehrave ka ftuar sot qytetarët që të protestojnë para Kryeministrisë kundër ligjit të miratuar që lejon importin e mbetjeve.
Protesta është njoftuar të nisë në orën 11:00.
Përfaqësues të AKIP thanë se qëllimi i kësaj proteste është që të tregojnë me forcën e zërit të qytetarëve kundërshtinë ndaj importit të mbetjeve.
