Para Kuvendit, ku po zhvillohet seanca plenare e së enjtes, personat me aftësi të kufizuar kanë protestuar për të drejtat e tyre.
Ndërkohë ata janë takuar edhe nga Kryeministri Rama, i cili po linte Kuvendin pas interpelancës me deputetin e PD, Tritan Shehu.
“Na jepni mundësi të jetojmë të pavarur dhe kaq, të mos bëhemi barrë. Ne i kemi bërë të ditura kërkesat edhe në institucionin që ju drejtoni, edhe në Ministrinë e Shëndetësisë”, i tha një përfaqësues i protestuesve Ramës.
Kryeministri tha se do të jetë ministrja e Financave ajo që do t’i presë dhe më pas do të diskutojnë.
“Për momentin do t’ju presë Ministrja dhe më pas unë do të komunikoj me të. Ministrja do t’ju presë brenda. Mos rrini më në shi. Për momentin takoni ministren, pastaj do të shikojmë marrëveshjen, dhe shikojmë e bëjmë”, tha Rama.
