Në bashkëbisedimin me mësuesit e Lushnjës, kryeministri Edi Rama, foli lidhur me vendimin e qeverisë për të mbyllur TikTok-un.
Rama tha se “TikTok” do të mbyllet totalisht në vendin tonë për 10 apo 15 ditë.
Në fjalimin e tij nuk munguan as kritikat për protestën e 15 marsit të organizuar nga PD, për të kundërshtuar mbylljen e rrjetit social.
“Nuk vjen njeri të thotë do çliroj TikTok dhe do shkrij SPAK, si mund të thotë një forcë politike kalamajve që hajdeni në protestë.
Futja në BE ndryshon gjithçka ndryshon raportin tonë me historinë. Është e pakonceptueshme që një forcë politike t’u thotë fëmijëve mos shkoni në shkollë se do çlirojmë TikTok-un. Ne i kemi bërë vend vetes dhe s’duhet të kapim trenin për 11 maj.
S’hyjmë dot ne me grupime që s’dimë ku i kanë këmbët, me një pazar oriental qylymash, s’mund ta bëjmë këtë gabim në 11 maj. Mbyllja ka filluar, teknikisht nuk është si mbyllje dritash, në një periudhë 10-15 ditë do të jetë black out”,-tha kryeministri.
