Kreu i grupit parlamentar të PS Taulant Balla gjatë një lidhjeje në emisionin “Opinion” e cilësoi turp organizimin e një proteste më 6 Dhjetor, ditën që në Tiranë mbahet samiti BE- Ballkani Perëndimor.
“Ne nuk kemi protestuar gjatë vizitës së presidentit amerikan që është edhe vizita më e rëndësishme nga 2005 në 2014 për të qenë kohenrent me çfarë u tha. Këta të bëjnë mitingje sa të duan, por është një turp që një parti politike të organizojë një miting elektoral gjatë zhvillimit të samitit”, tha Balla.
Në fjalën e tij, më herët ai tha gjithashtu se PD ka marr një paralajmërim nga Parlamenti Europian dhe Partia Popullore Europiane.
“Uroj që foltorja e PD ta dëgjojë Parlamentin Europian sepse jam informuar që nga PPE kanë thënë që nuk do ta pranonin kurrë që ata që kanë uzurpuar partinë të bëjnë një protestë ditën e samitit.
Dhe meqë këta citojnë Parlamentin Europian le të citojnë edhe çfarë ju është thënë nga Parlamenti Europian”, tha Balla./Opinion.al
