Ditën e sotme opozita ka paralajmëruar protestën e saj më të madhe kundër kryeministrit Edi Rama dhe qeverisë.
Ambasada Italiane u ka bërë thirrje qytetarëve që të shmangin grumbullimet dhe turmat e njerëzve gjatë protestës së opozitës. Ajo u bën thirrje qytetarëve që të evitojnë qarkullimin në qendrën e Tiranës, në veçanti Bulevardin Dëshmorët e Kombit, pranë zyrës së Kryeministrit.
“E shtunë, më 25 maj 2019, duke filluar nga ora 19.00, do të ketë një protestë politike që do të përfshijë qendrën e Tiranës, në veçanti Bulevardin Dëshmorët e Kombit, pranë zyrës së Kryeministrit. Rekomandohet të shmangni grumbullimet dhe të ndiqni përditësimet përmes shtypit dhe të bëni kujdes maksimal. Protesta mund të ketë pasoja në trafik dhe në rrugët kryesore të hyrjes në qytet”, shkruan Ambasada Italiane
Kujtojmë që dje thirrjen e parë paralajmëruese e bëri Ambasada Amerikane, ku i bënte apel qytetarëve të saj që të shmangnin zonat ku do të zhvillohet tubimi pasi mund të ketë dhunë. /Opinion.al
