Pas analizimit të pamjeve filmike të protestës së djeshme të opozitës, policia ka proceduar penalisht tetë persona. Ata janë parë duke çarë kordonin e policisë dhe duke goditur me sende të forta punonjësit e rendit.
Personat e proceduar në gjendje të lirë janë A.Sh., 26 vjeç, banues në Tiranë; E.Sh., 30 vjeç, banues në Tiranë; Gj.L., 44 vjeç, banues në Laç; P.L., 62 vjeç, banues në Mamurras; A.P., 25 vjeç, banues në Tiranë; F.D., 50 vjeç, banues në Tiranë; B.B., 20 vjeç, banues në Fushë Krujë dhe O.G., 22 vjeç, banues në Tiranë.
Gjithashtu policia njofton se po punohet për kapjen e 12 personave të tjerë. Gjatë protestës së djeshme janë lënduar dy punonjës policie, si dhe kanë marrë mjekim nga gazi lotsjellës tetë qytetarë. Materialet proceduriale do t’i referohen Prokurorisë së Rrethit Gjyqësor Tiranë, për veprat penale, “Prishje të rendit dhe qetësisë publike” dhe “Kundërshtim të punonjësit të rendit publik”./Opinion.al
