Presindeti i Partisë së Lirisë, Ilir Meta i është bashkuar protestës së ditës së sotme, që është thirrur nga opozita dhe po zhvillohet para kryeministrisë.
Në hyrje të fjalës së tij, Meta u ndal te pjesëmarrja e këshilltarëve opozitarë, duke kritikuar të gjithë ata këshilltarë të cilët nuk kishin marrë pjesë në protestë.
“Turp për ata që përtojnë të vijnë këtu për të përmbysur regjimin më kriminal dhe më antikombëtar që ka njohur kjo tokë. Turp për të gjitha ata këshilltarë opozitarë që nuk janë me Tedi Blushin, me Klevis Balliun përballë kryehajdutit të Tiranës. Turp për ata që nuk janë përball hajdutëve në bashki. Turp për ata opozitar që kanë hallin e autoritetit të SPAK-ut”, u shpreh Meta.
Ndër të tjera, Presidenti i PL-së u shpreh se Edi Rama financohet në Uashington dhe Bruksel nga armiq të egër të Shqipërisë, për t’i ngulur thika Kosovës.
“Të gjithë duhet ta dinë, se Edi Rama financohet në Uashington dhe Bruksel nga armiqtë më të egër, për ti ngulur thika Kosovës, që nga Ballkani i hapur dhe çdo gjë tjetër. Ai nuk bën gabime rastësisht. Mos harroni çfarë tha në Kuvendin e Kosovës, së Shqipëria dhe Kosova do kishin një president të ardhshëm.
A nuk ishte ky që hodhi në gjyq Ramush Haradinajt? A nuk ishte ky që i vuri sanksione Kurtit? Që kur është ky Kosova ka vetëm çnjohje. Ai është në shërbim të Serbisë. Është koha të ngrihemi! Nuk dua të flas për ndërkombëtarët. Të mos harrojmë që ata që mbështetën”, përfundoi Meta.
