Partia Demokratike dhe aleatët e saj do të zhvillojnë këtë të shtunë një protestë kombëtare përballë Kryeministrisë.
Ndërkohë, autoritetet kanë marrë masa të rrepta sigurie për mbarëvajtjen e protestës.
1300 forca policore janë në gatishmëri këtë të shtunë në Tiranë për protestën e opozitës.
Forca të shumta policore janë vendosur përreth Kryeministrisë, por edhe në institucione të tjera kyçe si Ministria e Brendshme, Bashkia e Tiranës dhe Kuvendi i Shqipërisë, të cilat në të kaluarën kanë qenë objektiva të protestave të dhunshme.
Raportohet se efektivët e policisë janë të pajisur me maska kundër-gaz, për t’u përgatitur ndaj çdo skenari të mundshëm.
