Kryetari i Kuvendit, njëherësh kryetar i LSI nuk ka thënë asnjë fjalë për protestën e opozitës që po ndodh në Bulevard. Prej ditës së shtunë e deri më tani opozita është instaluar me tendë para Kryeministrisë dhe kërkon qeveri teknike që do të mundësonte zgjedhje të lira e të ndershme.
Sot në axhendën e Kryetarit të Kuvendit është parashikuar një konferencë për mediat. “Në orën 16:30 ne ambientet e Kryesise se Kuvendit, Kryetari Meta do të presë kryetarin e Kuvendit të Kosovës, Kadri Veselin. Pas takimit Meta dhe Veseli do të japin edhe një konferencë për shtyp”, thuhet në njoftim. /Opinion.al
