Nesër do të zhvillohet protesta e dytë e opozitës pas asaj të së shtunës. Ndryshe nga hera e parë, ajo do të zhvillohet pranë Kuvendit të Shqipërisë.
Garda u ka bërë thirrje gazetarëve që do të jenë të pranishëm, për t’u pajisur me maska kundra gaz. Mund të ketë momente acarimi të situatës, ndaj Garda mesa duket do të përdorë sërish gazin lotsjellës për të neutralizuar turmën. Prandaj ky institucion këshillon gazetarët që të marrin maska kundra gaz, për të shmangur çdo incident.
Sipas të dhënave paraprake, për mbarëvajtjen e protestës së nesërme do të angazhohen përveç Forcave të Rendit, edhe Forcat Speciale dhe Forcat e Ndërhyrjes së Shpejtë.
