Pas Ambasadës Amerikane dhe delegacionit të Bashkimit Evropian në Tiranë, edhe Ambasada Britanike ka dënuar protestën e opozitës para Bashkisë së Tiranës këtë të premte.
Në një postim në rrjetet sociale, Ambasada Britanike shprehet se përdorimi i koktejve molotov nuk kanë vend në demokraci.
“Skenat jashtë Bashkisë së Tiranës sot dhe përdorimi i koktejve molotov nuk kanë vend në demokraci. Ambasada Britanike dënon përdorimin e dhunës dhe aktet e frikësimit. Mbretëria e Bashkuar vazhdon të kërkojë që të gjitha mosmarrëveshjet dhe konfliktet të kryhen përmes proceseve demokratike, pa dhunë dhe se duhet respektuar sundimi i ligjit”,-shkruan ambasada britanike./Opinion.al
