Kancelarja gjermane, Angela Merkel ka reaguar pas protestës së zhvilluar ditën e djeshme në SHBA, ku humbën jetën katër persona.
Në reagimin e saj, kancelarja shprehet se pamjet e protestës së djeshme e zëmëruan dhe e trishtuan. Merkel shpreh keqardhje që Donald Trump nuk pranoi humbjen e zgjedhjeve të nëntorit përball Joe Biden.
“Ne të gjithë pamë fotografitë shqetësuese të sulmit të Kongresit të SHBA dje në mbrëmje dhe këto pamje më zemëruan dhe trishtuan.Një rregull themelor i demokracisë është që pas zgjedhjeve të ketë fitues dhe humbës. Të dy kanë rolin e tyre për të luajtur me mirësjellje dhe përgjegjësi në mënyrë që vetë demokracia të mbetet fituese. Më vjen keq shumë që Presidenti Trump nuk e pranoi humbjen e tij që nga nëntori dhe gjithashtu përsëri jo dje. Dyshimet në lidhje me rezultatin e zgjedhjeve u trazuan dhe krijuan atmosferën që bëri të mundur ngjarjet e natës së kaluar.”- tha Merkel.
Ditën e djeshme në SHBA u zhvillua një protestë e dhunshme teksa Kongresi kishte nisur procedurat për certifikimin e Biden.
Protestuesit e thirr nga Trump u futën në godinën e Kongresit, por nga përplasjet katër persona humbën jetën. Sot Biden u konfirmua nga Kongresi si president i SHBA, ndërsa Trump u tërhoq duke u zotuar se në 20 janar do të ketë një tranzicion paqësor të pushtetit./ Opinion.al
