Mëngjesin e kësaj të mërkure ka nisur aksioni për shembjen e banesave në lagjen “5 Maji” në Tiranë, në kuadër të procesit të rindërtimit. Por prishja e banesave është shoqëruar me protesta nga banorët e zonës.
Por ajo që është vënë re është se kjo ngjarje ka bashkuar në terren edhe Partinë Demokratike.
Përkrahës së ish-kryeministrit Berisha dhe Lulzim Bashës kanë shkuar për të mbështetur banorët.
Nga ana e PD zyrtare ka qenë Dhurata Çupi e cila ka mbërritur në zonën ku IKMT ka nisur shembjet që prej orëve të para të mëngjesit.
Ndërsa të pranishëm kanë qenë Ervin Minarolli, dhe Klevis Balliu, të dy pjestarë të Komisionit të Rithemelimit të PD-së, të ngritur në Kuvendin e 11 Dhjetorit, të thirrur nga ish-kryeministri Berisha.
