Kompania Shell është terhequr nga projekti për të kërkuar naftë në Zagori. Shkak u bë protesta e banorëve të zonës të cilët protestuan sot duke mos pranuar të dëgjojnë ekspertët që kishin shkuar aty për tju treguar përmbajtjen e projektit. Drejtori i kompanisë Shell në Shqipëri, Rohan D’Souza bëri të ditur se “pavarësisht rezultateve të studimit sizmik që kompania planifikon në Bllokun 4, Shell nuk do të kryejë aktivitete kërkuese, shpuese në nënzonën e mbrojtur të Zagorisë, e cila gëzon një mbrojtje të veçantë nga legjislacioni shqiptar”. Projekti studimor i Shell-it parashikonte hapjen e rreth 3 000 puseve për të parë nëse ka naftë nëntoka e Zagorisë.
Kthimi pas i Shellit u përshëndet dhe nga Kryeministri Rama. “Debati për kërkimet e naftës në Parkun Kombëtar të Zagorisë është i mirëseardhur për të kujtuar se: Ne e kemi shpallur Parkun Kombëtar në vazhdën e programit të mbrojtjes së bukurive të natyrës sonë nga hece, gurore, etj. Si mund të lejojmë aty shpime naftëkërkuese! Nuk bën vaki”, shkroi ai në Twitter.
Por një ditë më paë ishte po Rama që përshënderi fillimin e kërkimeve për naftë e gaz nga e njëjta kompani, por në Shpirag të Beratit: “Një lajm tejet inkurajues nga takimi me kompaninë SHELL. Edhe pak javë na ndajnë nga prova e të vërtetës së Shpiragut, ku të gjitha të dhënat flasin për një rezervë të madhe gazi e nafte.Nëse prova del me sukses, impakti në ekonomi do jetë i konsiderueshëm duke nisur nga 2020”, shkroi ai.
/Ri.De
