Nënkryetari i PD, Enkelejd Alibeaj thotë se më 8 janar nuk dotë ketë asnjë protestë, por “klithma të zbehta të një agonie politike”.
Alibeaj shkruan në rrjetet sociale se ish-kryeministri Sali Berisha nuk ka moral në PD dhe se është koha që ai të “shkojë në shtëpi”.
Sipas nënkryetarit të PD, protesta së shtunës do të dashtojë, pasi sipas tij, edhe përpjekjet e tjera për të përdorur partinë për interesa personale nga Berisha kanë dështuar.
Reagim i Enkelejd Alibeajt
Nuk ka asnjë protestë të vërtetë të shtunën. Janë klithma të zbehta të një agonie politike, në të cilën duan të tërheqin edhe demokratët. Sali Berisha nuk ka moralitet në këtë ndërmarrje antidemokratike.
Prej gati 4 muajsh është bërë çdo gjë që të zhvendoset objektivi i PD nga përballja me regjimin e Edi Ramës në një luftë të brendshme kundër Lulzim Bashës, për dobësimin e PD dhe të demokratëve.
Pseudoprotesta do të dështojë, si çdo përpjeje tjetër e deritanishme për të marrë peng PD-në për interesin e një njeriu të vetëm!
Është koha që Berisha të shkojë në shtëpi! Të lërë demokratët të fokusohen në të vetmen betejë të vërtetë, atë me regjimin e korruptuar të Edi Ramës për t’i dhënë vendit sa më parë një qeverisje të mirë dhe të drejtë!/ Opinion.al
