Kreu i demokratëve Luzim Basha ka qenë në qytetin e Ballshit në një takim me banorë dhe qytetarë të zonës, në kuadër të një sërë takimesh që po paraprijnë protestën e opozitës më 16 Shkurt.
Basha i ka ftuar qytetarët t’i bashkohen protetsës në Tiranë, për një të ardhme më të mirë.
“Ne jemi në pellgun më të madh naftëmbajtës të Europës. Në Bashkinë ku vjen era naftë, këtu nuk ka një qindarkë për naftën që përpunoni. Statusin e naftëtarit nuk jua dha. Sepse paratë shkojnë vetëm në një drejtim. Kjo punë do të zgjasë derisa ju t’i jepni fund. Ejani në Tiranë më 16 shkurt t’i jepni fund!”, tha Basha.
Ndërsa qytetarët ndanë shqetësimin dhe problematikat e lidhura me keqfunksionimin e rafinerisë dhe industrisë së naftës, Basha tha se rrugët politike kanë mbaruar dhe tashmë zgjidhja është në dorën e tyre.
“ Rugët politike kanë mbaruar. Tani është në dorën e popullit. Është në dorën tuaj. Zemërimi juaj, zhgënjimi juaj, nga braktisja totale dhe harresa që ju ka lënë Edi Rama dhe banda me të cilën sundon vendin, lexohet e kuptohet sapo ju jap dorën, akoma pa shprehur hallet tuaja”, u shpreh kreu i opozitës në fjalën e tij. / M.B
