Aldo Bumçi hapi me fjalën e tij protestën që po mbahet sot përpara Kryeministrisë, nga Sali Berisha dhe mbështetësit e tij.
Bumçi kritikoi raportin e Kryeministrit Rama me presidentin serb Vuçiç, ndërsa e cilësoi atë si një shprehje të ambicjeve të Ramës për pushtet të pakufijshëm.
“Ballkani i hapur është përpjekja për të izoluar Kosovën. Është fasada që Rama i jep Vuçiçit. Vuçiç, ish- ministër i Milosheviçit. Ai flet sot për botën serbe, që po nxit konflikt në Bosnjë, në Mal të Zi në Kosovë. Rama i bën fasadë dhe thotë se ky është një lider europian. Punon me mua. Ky është Rama, dyshues për Kosovën, por besimplotë për Serbinë.
Nga i buron ky besim tek Serbia Ramës? Ky besim tek Vuçici? A i buron nga e kaluara? Jo. Nga sjella e sotme e Serbisë? Jo . I buron nga pazaret për pushtet, nga ëndrra për t’u bërë mbret i pakurorëzuar. Ka vetëm 1 projekt europian dhe ai nuk kalon nga aleanca Rama – Vuçiç. Ka vetëm një rrugë drejt Europës të ndërtojmë shoqëri demokratike në Shqipëri, Sebi dhe kudo në rajon. Ka vetëm një mënyrë për të ndërtuar shoqëri demokratike, duke pasur opozitë. Dhe sot opozita është e gjallë. Dhe sot opozita është në këtë shesh. Nuk e ndalojmë më këtë. Këtë rrugë do e çojmë deir në fund, derisa t’ja shkurtojmë ditët këtij regjimi”, tha Bumçi./Opinion.al
