19:40-Lulzim Basha: Kjo sakrificë, kjo betejë, ka transformua brenda 10 javëve Shqipërinë në mënyrë përfundimtare. Sot shqiptarët rreth opozitës janë mazhoranca e re morale dhe numerike në vend. Ju jap fjalën se jemi bashkë jo vetëm për rotacion politik, por për t’i dhënë fund tranzicionit dhe për të hapur derën e Shqipërisë si gjithë Europa. Pa votë të lirë, pa zgjedhje të lira, nuk mund t’i japim fund mjerimit, papunësisë, varfërisë. Pa një qeveri legjitime dhe parlament që mbron interesat e qytetarëve nuk mund të ndërtojmë shëndetësi, shkolla dhe sistem arsimor dinjitoz, universitete. Sot ju drejtohem miqve europianë dhe ju them mos ndëshkoni popullin tim, mos riktheni vizat për shqiptarët, ne do t’ia heqim vizën Edi Ramës. Ne do t’i kthejmë shqiptarëve dinjetin, mundësinë dhe lirinë. Më 30 qershor nuk do të lejojmë farsë zgjedhore, zgjedhje pa opozitën nuk mund të ketë dhe nuk do të ketë, proces fals zgjedhor ku dhunohen shqiptarët dhe kapen peng bashkitë që të zhvasin qytetarët, kjo ditë nuk do të gdhijë më 30 qershor. Do të jetë dita e bashkimit të shqiptarëve për të caktuar një datë tjetër për zgjedhjet, nën kujdesin e një qeverie tranzitore pa Edi Ramën kryeministër.
19:30 –Momente tensioni në Durrës, ku një ambulancë nuk është lejuar të kalojë fillimisht, pasi sipas protestuesve ishte bosh dhe ishte dërguar për të tensionuar situatën. Disa prej protestuesve u konfrontuan edhe me shoferin e mjetit, duke i thyer edhe xhamin. Por në fund e kanë lejuar të kalojë.
19:25-Të bllokuar nga protesta e opozitës. Disa nxënës nga Kosova që po ktheheshin nga Tirana kanë mbetur të bllokuar në Kukës. Ata kanë zgjedhur që kohën e pritjes ta kalojnë me m këngë e valle.
19:10-Ervin Salianji nga Korça: Edi Rama po i bllokon integrimin Shqipërisë. Në Korçë janë grumbulluar mijëra qytetarë. Protesta qytetare është qëndresë. Ne do të jemi me qytetarët. Zgjedhje nuk mund të ketë me një palë. Zgjidhja e krizës do të vijë me një qeveri tranzitore dhe largimin e Ramës. Nëse Rama nuk largohet deri në 30 qershor, ne do të pamundësojmë zgjedhjet dhe populli nuk lejon vendosjen e tiranive. Tiranitë përmbysen.
19:00-Edi Paloka nga Durrësi: Largimi i Ramës e zgjidh situatën, shqiptaret sa më shpejt të na bashkohen aq me më pak kosto do të jetë zgjidhja. Ata që kanë pranuar skllavërinë le të vazhdojnë të rrinë me kokë të ulur, ne do të vazhdojmë të protestojmë. Nuk është sakrificë e madhe të rrish 2 orë në rrugë, për të shmangur të keqen e madhe, Edi Ramën.
18:50-Gazment Bardhi: Ky është vetëm fillimi i përshkallëzimit të protestave Qytetarët kërkojnë zgjedhje të lira dhe të ndershme. Nuk jemi të gatshëm për ta dialoguar këtë. Duhet që njeriu që ka shkaktuar situatën ku ndodhet sot vendi t’i hapë rrugë qeverisë kalimtare. Sot janë bllokuar akset rrugore në 12 pika, në javët në vijim do të njiheni me vazhdimësinë
18:40-Kryetari i PD-së në Gjirokastër Dasho Aliko ka debatuar me policinë në Gjirokastër, pasi efektivët i kanë kërkuar që të largojë njerëzit nga rruga. 
18:35 – Te sheshi “Shqiponja” në kryeqytet, po hidhen lëndë plasëse dhe tymuese në vazhdimësi.
18:32 –Monika Kryemadhi: Këta nuk e kanë kuptuar që mosbindja civile s’ka filluar ende. Shqiptarët janë të gatshëm për t’u përballur me këtë gjenocid heshtës që ka bërë Edi Rama. Gjenocidet kanë krijuar shpërngulje kudo në botë. Ky është një gjenocid heshtur ndaj të rinjve. Një i çmendur ka marr peng një parti politike dhe disa godina. Opozita nuk ka për qëllim putshimin e godinave dhe as të rrugëve, por opozita kërkon të putshojë zemrat e qytetarëve. Ne duhet t’i ngjallim shpresën shqiptarëve, pasi po shkatërrohet ajo pak që ka ngelur nga historia jonë. Ne do bëjmë çdo lloje proteste apo lëvizje politike për të sensibilizuar shqiptarët, por jemi të përgatitur deri në pikën e fundit, për t’i thëne Edi Ramës që këtë popull nuk e merr dot me dhunë. Ne po i provojmë të gjitha, nuk është problem për ta rrethuar Parlamenti dhe për ta marrë Parlamentin. Këtë javë bllokuam 12 akse, javës tjetër nuk i dihet se çfarë do bllokojmë
18:30 – Protestuesit e opozitës në Berat kanë nisur të djegin goma. Protesta e opozitës në qarkun Berat po zhvillohet në aksin Berat-Ura Vajgurore.
18:20 – Edhe në Bradashesh aty ku ndodhet Lulzim Basha protestuesit kanë lejuar kalimin e një ambulanc, ndërsa e kanë cilësuar si provokim.
18:15 – Në Fier, protestuesit janë konfrontuar me policinë, duke u shtyrë. Të gjithë protestuesit janë përpjekur të përparojnë drejt urës së Mbrostarit, por në përplasje me policinë e shtetit, ata nuk u rikthyen në vendin ku ishin pozicionuar fillimisht.
18:07 – Në Fier, ku është bllokuar Ura e Mbrostarit, protestuesit kanë lejuar kalimin e dy ambulancave të cilat kanë kërkuar të kalojnë përmes turmës. Javën e kaluar, ka pasur gjithashtu një fluks ambulancash, madje disa prej tyre nuk janë lejuar të kalojnë, me pretendimin se nuk po transportonin të sëmurë, por ishin aty për të provokuar protestuesit.
17:55-Kryetari i Partisë Demokratike ka nisur marshimin e tij me protestuesit në Bradashesh. Me thirrjet “Rama ik”, Basha së bashku me ish-deputetët e PD-së dhe LSI-së Edmond Spaho, Endri Hasa dhe Luciano Boci ndodhet në mbikalimin e Bradasheshit, në Elbasan.
****
Është zbardhur shpërndarja e ish-deputetëve të opozitës nëpër akset rrugore që do të bllokohen sot nga ora 18:00 deri në orën 20:00. Ndryshe nga një javë më parë, nga 5 akse kombëtare, rrugët që do të bllokohen sot janë 12, ndërsa ndryshim ka edhe në kohëzgjatje, nga 1 orë qarkullimi do të paralizohet 2 orë.
Ish-deputetët e PD-së do të shpërndahen kështu:
Qarku Shkoder – Aksi Rruges Shkoder – Koplik
(Flamur Noka, Lorenc Luka, Bardh Spahia, Izmira Ulqinaku, Romeo Gurakuqi)
Qarku Kukes – Ura e Drinit ne hyrje Rruges Kombit
(Isuf Cela)
Qarku Lezhe – Mbikalimi Milot
(Lindita Metalia,j Andon Frrokaj)
Qarku Diber – Ura ne kryqezimin Burrel – Rreshen- Klos
(Xhemal Gjunkshi)
Qarku Durres – Plepa, ne hyrje te Autostrades
(Edi Paloka,Florion Mima, Oerd Bylykbashi, Fatbardha Kadiu, Oriola Pampuri)
Qarku Elbasan – Mbikalimi Bradashesh
(Lulzim Basha, Edmond Spaho, Endri Hasa, Luciano Boci)
Qarku Korçe – Rruga nacionale ne hyrje te Korces
(Ervin Salianji, Hekuran Hoxhalli)
Qarku Fier – Rruga nacionale, Ura Mbrostar
(Luan Baçi)
Qarku Vlore – Hyrje e superstrades Vlore- Levan
(Nadire Meçorapja)
Qarku Berat – Ura Vajgurore dhe Dalje Beratit, Aksi Berat – Ura Vajgurore
(Astrit Veliaj)
Qarku Gjirokaster – Kryqezim i rruges Permet-Tepelene- Gjirokaster
(Tritan Shehu)
Qarku Tirane – Tirane, Rrethrrotullimi “Shqiponja”
(Gazment Bardhi, Gent Strazimiri, Grida Duma, Dhurata Cupi, Jorida Tabaku, Valentina Duka, Genc Pollo, Agron Shehaj, Aldo Bumci, Klevis Balliu, Albana Vokshi, Halim Kosova, Enkeleid Alibeaj).
Shperndarja e ish-deputetëve të LSI:
Ne Durres, rrethrrotullimi i Plepave: Kryetarja e LSI-se Monika Kryemadhi,
Ne Tirane, rrethrrotullimi Shqiponja: Petrit Vasili, Luan Rama, Klajda Gjosha, Floida Kerpaci, Edmond Panariti dhe Erisa Xhixho
Ne Shkoder: Agron Cela
Ne Lezhe; Viktor Tusha
Ne Milot: Perparim Spahiu
Ne Fier: Kejdi Mehmetaj
Ne Elbasan Edmond Haxhinasto
Korce; Endrit Braimllari./ Opinion.al
