Lulzim Basha ka shkuar pasdite në Kavajë për t’u takuar me drejtuesit e Partisë Demokratike atje në funksion të organizimit të protestës që është paralajmëruar në 8 korrik.
Kreu i opozitës, shoqërohej nga Sekretari i Përgjithshëm Gazment Bardhi dhe kryetari i Bashkisë se Kavajës.
Ai tha se opozita po lufton që vendi të ketë zgjedhje të lira dhe të ndershme dhe cilësoi se nuk do të bëhet asnjë hap pas deri sa kjo kauzë të fitohet.
Basha ka theksuar rëndësinë e një pjesëmarrjeje sa më të gjerë në protestën e 8 korrikut. Ai shprehu mirënjohjen për këdo që i është bashkuar kësaj betejës së opozitës dhe atyre që nuk votuan në zgjedhjet e 30 qershorit.
Më herët gjatë ditës Basha i bëri thirrje qytetarëve Shqiptarë përmes një postimi në Facebook për tu bashkuar të hënën dhe për të protestuar kundër qeverisë së kryeministrit Rama. /Opinion.al
