Dhuna e shkaktuar në Kapitol nga mbështetësit e Trump kanë zemëruar qytetarët amerikanë.
Sipas një sondazhi të Reuters / Ipsos 57% e amerikanëve kërkojnë që Presidenti republikan Donald Trump të largohet menjëherë, pasi ai nxiti dhunë prej së cilës pati dhe viktima.
Sondazhi kombëtar i opinionit publik, i kryer të enjten dhe të premten, gjithashtu tregoi se shtatë në 10 nga ata që votuan për Presidentin Trump në nëntor, kundërshtuan veprimin e mbështetësve të që hynë në Kapitol, teksa ligjvënësit po mblidheshin për të certifikuar fitoren në zgjedhje të demokratit Joe Biden.
Pothuajse 70% e amerikanëve të anketuar gjithashtu dënuan veprimet e Presidentit Trump.
Në një tubim më herët gjatë ditës, Presidenti Trump kishte inkurajuar mijëra ndjekës të tij për të marshuar drejt Kapitolit. Kaosi në Kapitol Hill, në të cilin një oficer policie dhe katër të tjerë vdiqën, është dënuar gjerësisht nga demokratët dhe republikanët.
