Një sukses të madh kundër krimit të organizuar e ka cilësuar ministri i Brendshëm Sandër Lleshaj, kapjen e vëllezërve Klement dhe Eldi Çala.
Në një reagim në Facebook, Lleshaj ka përgëzuar policinë për aksionin e saj ndërsa dy të arrestuarit ai i ka cilësuar si dy protagonistët kryesorë të grabitjes në Rinas.
Është vetëm çështje kohe thotë ministri teksa shton se opeacioni vazhdon.
Reagimi i ministrit Lleshaj
Kapja e dy protagonistëve kryesorë të grabitjes së vitit të kaluar në Rinas shënon një sukses të madh në luftën kundër krimit të organizuar.
Laku ndaj bandës së rrezikshme të Rinasit është afruar sot drejt mbylljes së plotë.
Kjo goditje është edhe një mesazh i rëndësishëm ndaj krimit: është vetëm çështje kohe!
Përballja me ligjin dhe drejtësinë është e pashmangshme.
Përgëzime për gjithë ekipin e Policisë së Shtetit që mundësoi këtë sukses inkurajues në këto ditë të vështira.
Operacioni vazhdon… /Opinion.al
