Policia e Tiranës ka shkatërruar një bazë të prostitucionit online. Një 24 vjeçare me emrin Anushe Ll. Ishte tutorja. Ajo kishte marrë një shtëpi me qira në zonën e Don Boskos ku kryhej aktiviteti kriminal. Shumë vajza të reja punonin, duke çatuar me kliente në linjën “Chat Line Adult Work”.
Përmes një njoftimi për mediat, policia tha se hetimi zgjati disa muaj me metoda speciale, dhe u arrestuan në flagrancë: Anushe Ll., 24 vjeçe, banuese në Tiranë, administratore e studios “Chat Line Adult Ëork”, për veprën penale “Shfrytëzimi i Prostitucionit” parashikuar nga neni 114 i Kodit Penal.
Po kështu u arrestua Met Tali, 25 vjeç, banues në Tiranë, për veprën penale “Prodhimi dhe shitja e narkotikëve”, parashikuar nga neni 283 i Kodit Penal.
Vajzat që u kapën në shtëpinë e prostitucionit online janë:
• A. H., 25 vjeçe
• A. L., 31 vjeçe
• A. Xh., 22 vjeçe
• S. M., 30 vjeçe
• A. Sh., 21 vjeçe
• A. T., 23 vjeçe
• E. R., 23 vjeçe
Janë shpallur në kërkim për veprën penale “Mbajtja e lokaleve për prostitucion” parashikuar nga neni 115 i Kodit Penal, shtetaset:
• S. B, 33 vjeçe
• D. G., 29 vjeçe
Nga veprimet hetimore rezulton se shtetasja Anushe Ll., dyshohet se prej një kohe të gjatë, punësonte vajzat e mësipërme dhe i shfrytëzonte ato për prostitucion virtual, i cili zhvillohej nëpërmjet logimit në faqen “Adult Ëork”, aktivitet i cili kryhej në një apartament në rrugën “Don Bosko”.
Në këtë aktivitet shtetësja Anushe Ll. dyshohet se është futur nëpërmjet shtetëses D. G., të cilën më herët e ka pasur në administrim, në bashkëpunim me shtetasen S. B.
Gjatë kontrollit të njërit prej apartamenteve ku ushtrohej ky aktivitet i paligjshëm, apartament i cili ishte marë me qera nga shtetasi Met Tali, u gjet dhe sekuestrua në cilësinë e provës materiale 17,4 gr lëndë narkotike e dyshuar “Cannabis Sativa”.
Gjithashtu në cilësinë e provës materiale u sekuestruan:
• 7 kompiutera dhe pajisje të ndryshme që përdoreshin për kryerjen e aktivitetit.
Materialet proceduriale do t’i kalojnë Prokurorisë së Rrethit Gjyqësor Tiranë, për veprën penale:
“Shfrytezimi i prostitucionit”, “Mbajtja e lokaleve për prostitucion” dhe “Prostitucioni” të parashikuara nga nenet 113, 114/2 dhe 115 e Kodit Penal.
