Policia ka arritur të zbulojë një bazë të prostitucionit online, ose siç njihen ndryshe vajzat e nxehta të chat-it.
Në një njoftim për mediat policia e Tiranës tha se kanë bërë të mundur finalizimin e operacionit “Chat Line 2”.
Janë kapur në kushtet e flagrancës pronarja (tutorja) dhe 8 vajza që punonin si prostituta online.
Shtetasja L. B. 34 vjeçe prej një periudhe kohore të gjatë, me anë të mashtrimit punësonte vajza të moshave të reja dhe i shfrytëzonte ato për prostitucion, aktivitet i cili kryhej në apartamentin e kësaj shtetaseje në Tiranë, tha policia.
Janë sekuestruar kompjuterat dhe kamerat në cilësinë e provave hetimore. Materialet i kaluan prokurorisë për veprat penale “ushtrim prostitucioni” dhe “shfrytëzim prostitucioni”.
Të arrestuarat
1. L. B., 34 vjeçe (Nenet 114, 170/a dhe 180)
2. J. H., 19 vjeçe (Neni 113)
3. E. T., 18 vjeçe (Neni 113)
4. K. A., 32 vjeçe (Neni 113)
5. I. U., 22 vjeçe (Neni 113)
6. E. A., 22 vjeçe (Neni 113)
Gjithashtu janë proceduar në gjendje të lirë:
1. Xh. B., 18 vjeçe (Neni 113)
2. E. L, 24 vjeçe (Neni 113)
3. K. M., 23 vjeçe (Neni 113)
